पुणे :
एशियाड सुवर्णपदक विजेत्या भारताच्या रोहन बोपण्णा आणि दिविज शरण जोडीने महाराष्ट्र ओपन टेनिस स्पर्धेत आपला धडाका कायम राखून अंतिम फेरीत प्रवेश केला. अव्वल सीडेड बोपण्णा-शरण जोडीने दुहेरीच्या उपांत्य फेरीत सिमोन बोलेली (इटली)-इव्हान डॉडिग (क्रोएशिया) जोडीवर मात केली.
म्हाळुंगे-बालेवाडी येथील शिवछत्रपती क्रीडासंकुलात सुरू असलेल्या या स्पर्धेतील पुरुष दुहेरीच्या उपांत्य फेरीत बोपन्ना शरण जोडीने बोलेली-डॉडिग जोडीवर ६-३, ३-६, १५- १३ अशी मात केली. ही लढत एक तास ३३ मिनिटे चालली. उपांत्यपूर्व फेरीत लिअँडर पेस-रेयस व्हॅरेला जोडीला सुपरटायब्रेकमध्ये हरविणाऱ्या बोपण्णा-शरण जोडीला सलग दुसऱ्या लढतीत सुपर टायब्रेकचा सामना करावा लागला. त्या लढतीत बोपण्णा-शरण जोडीने सहा मॅच पॉइंट वाचविले होते. या वेळी या जोडीने दोन मॅच पॉइंट वाचविले. मात्र, या वेळीही त्यांनी संधी गमावली नाही. ३३ वर्षीय बोलेलीने २०१५मध्ये ऑस्ट्रेलियन ओपनचे दुहेरीचे जेतेपद मिळवले आहे, तर दुहेरीच्या जागतिक क्रमवारीत ३५व्या स्थानी असलेल्या ३३ वर्षीय डॉडिगने २०१५मध्ये फ्रेंच ओपनचे जेतेपद मिळवले आहे. मात्र, बोपण्णा-शरण जोडीने पुन्हा एकदा सरस खेळ करून बाजी मारली. आता विजेतेपद मिळवण्यासाठी बोपन्ना-शरण जोडीची लढत ब्रिटनच्या ल्युक बॅम्ब्रिज-जॉनी ओमारा जोडीविरुद्ध होईल.
एशियाड सुवर्णपदक विजेत्या भारताच्या रोहन बोपण्णा आणि दिविज शरण जोडीने महाराष्ट्र ओपन टेनिस स्पर्धेत आपला धडाका कायम राखून अंतिम फेरीत प्रवेश केला. अव्वल सीडेड बोपण्णा-शरण जोडीने दुहेरीच्या उपांत्य फेरीत सिमोन बोलेली (इटली)-इव्हान डॉडिग (क्रोएशिया) जोडीवर मात केली.
म्हाळुंगे-बालेवाडी येथील शिवछत्रपती क्रीडासंकुलात सुरू असलेल्या या स्पर्धेतील पुरुष दुहेरीच्या उपांत्य फेरीत बोपन्ना शरण जोडीने बोलेली-डॉडिग जोडीवर ६-३, ३-६, १५- १३ अशी मात केली. ही लढत एक तास ३३ मिनिटे चालली. उपांत्यपूर्व फेरीत लिअँडर पेस-रेयस व्हॅरेला जोडीला सुपरटायब्रेकमध्ये हरविणाऱ्या बोपण्णा-शरण जोडीला सलग दुसऱ्या लढतीत सुपर टायब्रेकचा सामना करावा लागला. त्या लढतीत बोपण्णा-शरण जोडीने सहा मॅच पॉइंट वाचविले होते. या वेळी या जोडीने दोन मॅच पॉइंट वाचविले. मात्र, या वेळीही त्यांनी संधी गमावली नाही. ३३ वर्षीय बोलेलीने २०१५मध्ये ऑस्ट्रेलियन ओपनचे दुहेरीचे जेतेपद मिळवले आहे, तर दुहेरीच्या जागतिक क्रमवारीत ३५व्या स्थानी असलेल्या ३३ वर्षीय डॉडिगने २०१५मध्ये फ्रेंच ओपनचे जेतेपद मिळवले आहे. मात्र, बोपण्णा-शरण जोडीने पुन्हा एकदा सरस खेळ करून बाजी मारली. आता विजेतेपद मिळवण्यासाठी बोपन्ना-शरण जोडीची लढत ब्रिटनच्या ल्युक बॅम्ब्रिज-जॉनी ओमारा जोडीविरुद्ध होईल.