मिलेनियम स्कूलला विजेतेपद
म. टा. प्रतिनिधी, पुणे
मिलेनियम स्कूलने शिक्षण विभाग (पुणे मनपा) आणि जिल्हा क्रीडा परिषद यांच्यातर्फे आयोजित शालेय टेबल टेनिस स्पर्धेतील चौदा वर्षांखालील मुलांच्या गटाचे विजेतेपद पटकावले.
प्रभात रोडवरील सिम्बायोसिस स्कूलमध्ये ही स्पर्धा झाली. अंतिम लढतीत मिलेनियम स्कूलने सिम्बायोसिस सेकंडरी स्कूलवर ३-१ अशी मात केली. त्यात सिद्धराज नंदूरकर सिम्बायोसिसच्या साहिल भारद्वाजवर ४-११, ११-९, ११-७ अशी मात केली आणि मिलेनियमचे विजयाचे खाते उघडले. त्यापाठोपाठ नील मुळ्येने सिम्बायोसिसच्या आर्यन इंगळेला ११-६, ११-६ असे पराभूत केले आणि मिलेनियमला २-० अशी आघाडी मिळवून दिली. त्यानंतर अनुज अभ्यंकरने मिलेनियमच्या नीव शहावर ११-९, ११-९ अशी मात केली आणि सिम्बायोसिसच्या आशा कायम ठेवल्या. मात्र, नील मुळ्येने साहिल भारद्वाजला ११-२, ११-७ असे पराभूत केले आणि मिलेनियमच्या विजेतेपदावर शिक्कामोर्तब केले.
तिसऱ्या क्रमांकासाठी झालेल्या लढतीत कोथरूडच्या सिटी इंटरनॅशनल स्कूलने न्यू इंडिया स्कूलवर ३-२ अशी मात केली. त्यात प्रणव घोलकरने सिटी इंटरनॅशनल स्कूलच्या अनिकेत सातभाईवर ११-२, ११-७ अशी मात केली आणि न्यू इंडिया स्कूलचे खाते उघडले. त्यानंतर अर्णव झगडेने न्यू इंडिया स्कूलच्या हार्दिक क्षिरसागरवर मात केली आणि सिटी इंटरनॅशनल स्कूलला १-१ अशी बरोबरी साधून दिली. त्यापाठोपाठ न्यू इंडिया स्कूलच्या श्लोक पेडणेकरने सिटी इंटरनॅशनल स्कूलच्या मल्हार व्यवहारेला ११-६, ११-८ असे, तर अर्णव झगडेने प्रणव घोलकरला ११-७, ७-११, ११-९ असे पराभूत केले. त्यामुळे २-२ अशी बरोबरी झाली होती. निर्णायक, पाचव्या लढतीत अनिकेत सातभाईने न्यू इंडिया स्कूलच्या हार्दिक क्षिरसागरवर १२-१०, ५-११, १२-१० अशी मात केली आणि सिटी इंटरनॅशनल स्कूलच्या विजयावर शिक्कामोर्तब केले.
उपांत्य फेरीचे निकाल : मिलेनियम स्कूल वि.वि. न्यू इंडिया स्कूल ३-१ (नील मुळ्ये वि.वि. श्लोक पेडणेकर ११-३, ११-४; सिद्धाराज नंदूरकर पराभूत वि. प्रणव घोलकर ६-११, ७-११; नीव शहा वि.वि. हार्दिक क्षिरसागर ११-९, ११-८; नील मुळ्ये वि.वि. प्रणव घोलकर ११-९, ११-४); सिम्बायोसिस सेकंडरी स्कूल वि.वि. सिटी इंटरनॅशनल स्कूल ३-२ (आर्यन इंगळे पराभूत वि. अर्णव झगडे ८-११, ८-११; साहिल भारद्वाज वि.वि. अनिकेत सातभाई ११-५, ११-३; अनुज अभ्यंकर वि. वि. मल्हार व्यवहारे ११-१, ११-६; साहिल भारद्वाज पराभूत वि. अर्णव झगडे ९-११, ११-५, १०-१२; आर्यन इंगळे वि.वि. अनिकेत सातभाई ११-३, ११-५).
-------------