नोव्हाक जोकोविच विम्बल्डनच्या अंतिम फेरीत

लंडन:

सर्बियाचा गतविजेता नोव्हाक जोकोविच याने प्रतिष्ठेच्या विम्बल्डन टेनिस स्पर्धेच्या अंतिम फेरीत झेप घेतली आहे. उपान्त्य फेरीत त्याने स्पेनच्या रॉबर्टो ब्युटिस्टा अगुतचा ६-२, ४-६, ६-३, ६-२ असा पराभव केला. अंतिम फेरीत जोकोविचची लढत राफेल नदाल किंवा रॉजर फेडरर या दिग्गजांपैकी एकाशी होणार आहे.

जागतिक क्रमवारीत अव्वल असलेल्या जोकोविचने चार वेळा विम्बल्डनचा किताब जिंकला आहे. यंदाची ही त्याची २५ वी ग्रँड स्लॅम फायनल असेल. अंतिम स्पर्धा रविवारी होणार आहे. फेडरर आणि नदाल यापूर्वी २००८ मध्ये आमनेसामने आले होते. त्यानंतर तब्बल दहा वर्षांनी विम्बल्डनमध्ये ते प्रथमच भिडणार आहेत. यापूर्वी फेडररने सलग दोन वेळा विम्बल्डनचे जेतेपद मिळवले आहे.