जोकोविचचे अव्वल स्थान कायम

पॅरिस :

सर्बियाच्या नोव्हाक जोकोविचने जागतिक टेनिस क्रमवारीतील आपले अव्वल स्थान कायम राखले आहे. गुणांच्या बाबतीत त्याने स्पेनच्या रफाएल नदालला बरेच मागे टाकले आहे.

माँटे कार्लो टेनिस स्पर्धेत नदालला विजेतेपद मिळवता आले नाही. त्यामुळे क्रमवारीत फारसे बदल बघायला मिळाले नाहीत. मागील तीन ग्रँडस्लॅम स्पर्धा जिंकणाऱ्या जोकोविचच्या खात्यात १११६० गुण असून, दुसऱ्या स्थानावरील नदालपेक्षा त्याचे गुण ३ हजारपेक्षा अधिक आहेत. नदालला माँटे कार्लो टेनिस स्पर्धेत उपांत्य फेरीत पराभव पत्करावा लागला. यामुळे त्याचे गुण कमी झाले. दुसरीकडे, माँटे कार्लो स्पर्धा जिंकणारा दुसान लाजोविच याला क्रमवारीत मोठा फायदा झाला. तो क्रमवारीत २४व्या स्थानावर पोहोचला.

टेनिस रँकिंग : (अव्वल वीस) नोव्हाक जोकोविच, रफाएल नदाल, अलेक्झांडर झ्वेरेव, रॉजर फेडरर, डॉमिनिक थीम, केविन अँडरसन, काय निशिकोरी, स्टेफानोस सिसिपास, ज्युआन मार्टिन डेल पोट्रो, जॉन इस्नर, मरिन चिलिच, फॅबिओ फॉग्निनी, कारन खाचोनोव, डॅनिल मेदव्हेदेव, बोर्ना चॉरिच, मिलॉस रॉनिक, मार्को सेचॅनाटो, निकोलोझ, गेल मॉनफिल्स, डेनिस शापोवालोव.

फॉग्निनी विजेता

माँटे कार्लो : इटलीचा टेनिसपटू फॅबिओ फॉग्निनीने माँटेकार्लो मास्टर्स टेनिस स्पर्धेच्या पुरुष एकेरीचे विजेतेपद पटकावले. अंतिम फेरीत त्याने दुसान लाजोविचचा ६-३, ६-४ असा पराभव केला. मागील पन्नास वर्षांमध्ये माँटेकार्लो स्पर्धेचे विजेतेपद पटकावणारा फॉग्निनी हा इटलीचा एकमेव टेनिसपटू ठरला. यापूर्वी इटलीच्या पीटरांजेली यांनी १९६१, १९६७ आणि १९६८ साली ही स्पर्धा जिंकली होती.