सानिया मिर्झाची ग्रँडस्लॅमच्या अंतिम फेरीत धडक, हजारो प्रेक्षकांमधून धावत येत लेकाने घेतली गळाभेट, पाहा VIDEO

ऑस्ट्रेलिया: ऑस्ट्रेलियन ओपन २०२३ च्या मिश्र दुहेरी स्पर्धेचा अंतिम सामना २८ जानेवारी रोजी होणार आहे. या अंतिम फेरीत सानिया मिर्झा आणि रोहन बोपन्ना या भारतीय जोडीचा सामना ब्राझीलच्या राफेल माटोस आणि लुईसा स्टेफनी या जोडीशी होणार आहे. भारतीय जोडीने उपांत्य फेरीच्या सामन्यात अमेरिकेच्या डेसिरिया क्रॉझिक आणि इंग्लंडच्या नील स्कुप्स्की या जोडीचा पराभव केला. सानिया मिर्झा आणि रोहन बोपन्ना यांनी फायनलसाठी तिकीट नक्की करताच सानियाचा मुलगा इझान मिर्झा मलिक टेनिस कोर्टवर धावत आला आणि आईला मिठी मारली.

सानियाने इझानला उचलून घेतले आणि त्यानंतर दोघांनी एकमेकांना प्रेमाने किस केली. हा व्हिडिओ सध्या सोशल मीडियावर चांगलाच व्हायरल होत आहे. आईला पाठिंबा देण्यासाठी इझान सामना पाहण्यासाठी आला होता. सामना संपताच बोपन्नाच्या मदतीने तो प्रेक्षकांमधून थेट टेनिस कोर्टवर पोहोचला.

वाचा: Republic Day: फक्त मैदानावरच नव्हे, या खेळाडूंनी लष्कराच्या गणवेशातही


हेही वाचा: मेहा पटेलच्या फिरकीत अडकला भारताचा गोलंदाज; आज होणार विवाह, पाहा संगीत सोहळ्यातील व्हिडी

आपल्या कारकिर्दीतील शेवटचे ग्रँडस्लॅम खेळणाऱ्या सानियाने मार्गारेट कोर्ट एरिना येथे एक तास ५२ मिनिटे चाललेल्या सामन्यात स्कुप्स्की आणि क्रॉझिक यांचा ७-६ (७/५), ६-७ (५/७), १०-६ अशा गुणफरकाने पराभव केला. याआधी भारतीय जोडीला जेलेना ओस्टापेन्को आणि डेव्हिड वेगा हर्नांडेझ यांच्याकडून उपांत्यपूर्व फेरीत वॉकओव्हर मिळाला होता.

सानिया आणि बोपन्ना जोडीने २०१७ मध्ये फ्रेंच ओपन मिश्र दुहेरीचे विजेतेपद जिंकले होते, तर सानियाने अखेरचे ऑस्ट्रेलियन ओपन मिश्र दुहेरीचे विजेतेपद २००९ मध्ये महेश भूपतीसह जिंकले होते. भारताच्या ३६ वर्षीय टेनिसपटूने ऑस्ट्रेलियन ओपन सुरू होण्यापूर्वी जाहीर केले होते की हे तिचे शेवटचे ग्रँड स्लॅम आहे, त्यानंतर ती १९ फेब्रुवारीपासून सुरू होणाऱ्या WTA 1000 दुबई टेनिस चॅम्पियनशिपनंतर निवृत्त होणार आहे.