लंडन:
विम्बल्डन महिला एकेरीत सामन्यात रोमानियाच्या सिमोना हालेपने विजेतेपद पटकावले. अमेरिकेच्या सेरेना विल्यम्सचा सिमोनाने सरळ सेटमध्ये धुव्वा उडवत पहिले विम्बल्डन विजेतेपद पटकावले.
सात वेळा विम्बल्डन विजेतेपद पटकावणाऱ्या सेरेना विल्यम्सने आपल्या कारकिर्दीतील २४ वे ग्रँडस्लॅम विजेतेपद मिळवण्याची संधी होती. मात्र, सिमोना हालेपने ६-२, ६-२ असा सरळ सेटमध्ये तिचा पराभव करत एकतर्फी विजय मिळवला.
मागील वर्षी सिमोनाने फ्रेंच ओपनचे विजेतेपद पटाकवले होते. माझ्या आईने माझ्यासाठी पाहिलेले स्वप्न मी आज पूर्ण केले असल्याची भावूक प्रतिक्रिया सिमोनाने सामन्यानंतर व्यक्त केली.
सेरेना आणि सिमोनामध्ये याआधी १० सामने झाले होते. यापैकी ९ सामन्यांमध्ये सेरेनाने विजय मिळवला होता. त्यामुळे आजच्या अंतिम फेरीत सेरेनाकडे संभाव्य विजेती म्हणून पाहिले जात होते. मात्र, सिमोनाने दमदार कामगिरी करत आपल्या पहिल्या विम्बल्डन विजेतेपदाला गवसणी घातली.
विम्बल्डन महिला एकेरीत सामन्यात रोमानियाच्या सिमोना हालेपने विजेतेपद पटकावले. अमेरिकेच्या सेरेना विल्यम्सचा सिमोनाने सरळ सेटमध्ये धुव्वा उडवत पहिले विम्बल्डन विजेतेपद पटकावले.
सात वेळा विम्बल्डन विजेतेपद पटकावणाऱ्या सेरेना विल्यम्सने आपल्या कारकिर्दीतील २४ वे ग्रँडस्लॅम विजेतेपद मिळवण्याची संधी होती. मात्र, सिमोना हालेपने ६-२, ६-२ असा सरळ सेटमध्ये तिचा पराभव करत एकतर्फी विजय मिळवला.
मागील वर्षी सिमोनाने फ्रेंच ओपनचे विजेतेपद पटाकवले होते. माझ्या आईने माझ्यासाठी पाहिलेले स्वप्न मी आज पूर्ण केले असल्याची भावूक प्रतिक्रिया सिमोनाने सामन्यानंतर व्यक्त केली.
सेरेना आणि सिमोनामध्ये याआधी १० सामने झाले होते. यापैकी ९ सामन्यांमध्ये सेरेनाने विजय मिळवला होता. त्यामुळे आजच्या अंतिम फेरीत सेरेनाकडे संभाव्य विजेती म्हणून पाहिले जात होते. मात्र, सिमोनाने दमदार कामगिरी करत आपल्या पहिल्या विम्बल्डन विजेतेपदाला गवसणी घातली.