रॉजर फेडररने घेतला मोठा निर्णय; विम्बल्डनमधील पराभवानंतर आता...

लंडन: जागतिक क्रमवारीतील एकेकाळी अव्वल स्थानावर असलेला आणि २० वेळा ग्रँडस्लॅम स्पर्धा जिंकणारा स्वित्झर्लंडच्या रॉजर फेडररने टोकियो ऑलिम्पिकमधून माघार घेतली आहे. फेडररने गुढघ्याच्या दुखापतीचे कारण देत माघार घेतली आहे. याआधी २०१६च्या रिओ ऑलिम्पिकमध्ये देखील फेडरर दुखापतीमुळे खेळू शकला नव्हता.

वाचा- Video ऑस्ट्रेलियाच्या गोलंदाजाने १४४ किमी वेगाचा चेंडू टाकाल; पाहा ख्रिस गेलने...

ग्रास कोर्टवर खेळताना मला पुन्हा एकदा झटका बसला. यामुळे मी स्विकार केला आहे की टोकियो ऑलिम्पिकमध्ये खेळू नये. मी खुप निराश आहे. कारण मी जेव्हा जेव्हा स्वित्झर्लंडचे प्रतिनिधत्व केले आहे तेव्हा माझ्या करिअरमधील एक सम्मान आणि मुख्य आकर्षण राहिले आहे. या हंगामाच्या अखेरपर्यंत कोर्टवर पुन्हा परतण्याची मला आशा आहे. मी स्वित्झर्लंडच्या संघाला ऑलिम्पिकसाठी शुभेच्छा देतो.

वाचा- रोहितच्या कर्णधारपदाची स्टाइल या दिग्गज खेळाडूंप्रमाणे; प्रत्येक शक्यतेवर विचार सुरू असतो


वाचा- ख्रिस गेलचा टी-२० क्रिकेटमध्ये नवा वर्ल्ड रेकॉर्ड; आजवर कोणत्याही फलंदाजाला जमले नाही

गेल्या रविवारी संपलेल्या विम्बल्डन २०२१च्या उपांत्यपूर्व फेरीत फेडररचा पराभव झाला होता. ३९ वर्षीय फेडररने २००८च्या ऑलिम्पिकमध्ये दुहेरी मिश्रचे सुवर्णपदक स्टेन वावरिंका सोबत जिंकले होते. पण तेव्हा पुरुष एकेरीच्या उपांत्यपूर्व फेरीत त्याचा पराभव झाला होता. २०१२च्या लंडन ऑलिम्पिक फायनलमध्ये ब्रिटनच्या अँडी मरेने त्याचा पराभव केला होता.

याआधी स्पेनच्या राफेल नदालने देखील ऑलिम्पिकमधून गेल्या महिन्यात नाव मागे घेतले होते. इतक नव्हे तर रविवारी विम्बल्डनचे सहावे आणि करिअरमधील २०वे ग्रँडस्लॅम विजेतेपद मिळवणारा सर्बियाचा नोवाक जोकोव्हिचबाबत देखील खेळण्याबाबत सस्पेंस कायम आहे.