मॅच गमावल्यानंतर खेळाडू प्रेक्षकांकडे पाहून थुंकला आणि अंपायरला...; पाहा व्हिडिओ

लंडन: विंबल्डन २०२२मध्ये स्पर्धेच्या प्रतिष्ठेला धक्का बसणारी एक घटना घडली आहे. ऑस्ट्रेलियाचा टेनिसपटू निक किर्गियोस पुन्हा एकदा चर्चेत आलाय. स्पर्धेच्या पहिल्या फेरीत ब्रिटनच्या पॉल जुबचा ३-६, ६-१,७-५,६-७(३), ७-५ असा पराभव झाल्यानंतर त्याने प्रेक्षकांना चुकीच्या पद्धतीची वागणूक दिली.

सामना झाल्यानंतर निक प्रेक्षकांकडे पाहून थुंकला आणि त्याने अंपायरला छेडछाड करणारा असे म्हटले. निकने प्रेक्षकांवर आरोप देखील केला की ते त्याला त्रास देत होते. सामना सुरू असताना तो लाइन जजवर ओरडताना देखील दिसला.

वाचा- बर्मिंघम कसोटी जिंकावीच लागेल; का टीम इंडियासाठी महत्त्वाची आहे इंग्लंडविरुद्धची मॅच

ऑल इंग्लंड लॉन टेनिस कोर्टवर निकची ही वागणूक प्रेक्षकांना आणि टेनिस चाहत्यांना आवडली नाही. त्याला सोशल मीडिया ट्रोल केले जात आहे. तर टेनिस कोर्टवर देखील प्रेक्षकांच्या टीकेला सामोरे जावे लागतय.

कोर्टवर झालेल्या प्रकाराबद्दल बोलताना निक म्हणाला, माझ्यावर सातत्याने द्वेष आणि नकारात्मकतेचा सामना करत आहे. यामुळेच मी जे काही केले ते काही चुकीचे नाही. सामना सुरू असताना प्रेक्षक ओरडत होते आणि मला खेळता येत नाही असे म्हणत होते. ते माझ्या खेळाला फालतू म्हणत होते आणि ही गोष्ट माझ्या सन्मानाची होती.

वाचा- हार्दिक पंड्याने ईशान किशन आणि हर्षल पटेलला शिवीगाळ केली? पाहा व्हिडिओ



वाचा- द. आफ्रिका क्रिकेटमध्ये मोठा फेरबदल; प्रथमच एका हिंदूकडे संघाचे नेतृत्व, जाणून घ्या सविस्तर

याआधी निकने स्टुटगार्ट ओपन टेनिस स्पर्धेच्या सेमीफायनल मॅचमध्ये अॅडी मरेकडून पराभूत झाल्यानंतर प्रेक्षकांकडून वर्णद्वेषी टीका झाल्याचा आरोप केला होता. सामना झाल्यानंतर इंस्टाग्राम पोस्टवर तो म्हणाला होता की, मॅचमध्ये प्रेक्षकांकडून अपमानकारक वक्तव्य करण्यात आले. हे सर्व कधी थांबणार? मला कल्पना आहे की प्रत्येक वेळी माझे वागणं चांगले असत नाही. पण अशा प्रकारचे वक्तव्य कधीच मान्य केले जाणार नाही. मी जेव्हा प्रेक्षकांना उत्तर देतो तेव्हा मला दंड केला जातो हे चुकीचे आहे.