…कोकण आपलोच असा

दापोली तालुक्यातल्या लाडघर इथे २९ ऑक्टोबर ते १४ नोव्हेंबर या काळात बीच फेस्टिवल होणार असून, कोळथरे गावात सांस्कृतिक पर्यटन महोत्सव साजरा होत आहे. या निमित्तानं लाडघर गावात सजावट करण्यात येत असून, कोकणच्या अनोख्या संस्कृतीचं दर्शन यातून घडवण्यात येणार आहे.

स्वच्छ सुंदर समुद्रकिनारा…वॉटरस्पोर्टस, नौकानयन, डॉल्फिन सफारी, मासेमारी सफारी याबरोबरीनेच कोकणातल्या स्थानिक कलांचा अनुभव घेण्याची संधी यंदाच्या दिवाळीच्या सुट्टीमध्ये कोकणात मिळणार आहे. दापोली तालुक्यातल्या लाडघर इथे २९ ऑक्टोबर ते १४ नोव्हेंबर या काळात बीच फेस्टिवल होणार असून, कोळथरे गावात सांस्कृतिक पर्यटन महोत्सव साजरा होत आहे. या निमित्तानं लाडघर गावात सजावट करण्यात येत असून, कोकणच्या अनोख्या संस्कृतीचं दर्शन यातून घडवण्यात येणार आहे. स्थानिक कलाकारांचे वेगवेगळे कार्यक्रम, महिलांच्या मंगळागौर, कोळीनृत्य, जाखडी, नमन या कला यावेळी सादर होतील. रात्री बीचवर वाइन आणि डाइनच्या धर्तीवर कोकणी पद्धतीच्या रुचकर भोजनाचा आनंद घेता येईल. माशांचे चमचमीत प्रकार, मोदक, घावण असा बेत जेवणात असेल. तर रात्रीच्या चांदण्यात पर्यटकांना नौकानयनाचा आनंद लुटता येईल.

लाडघरमध्ये कोकणातल्या ग्रामीण जीवनाचं दर्शन घडवणारं ग्रामीण म्युझियम उभारण्यात येतंय. स्थानिक कलाकार आणि विद्यार्थ्यांनी साकारलेलं कलाग्राम, आर्ट फेस्टिवल पर्यटकांना पाहता येईल. कोळथरे गावातला २०० वर्षांपूर्वीचा वाडा, त्यामागचं वास्तूशास्त्र, ग्रामीण जीवनाचा अनुभव घेत पर्यटकांना हेरिटेज वॉक करण्याची संधी मिळेल. बैलगाडीतून गावची सफर, शेती आणि मसाल्याच्या बागेची माहिती पर्यटकांना मिळेल. दुपारच्या वेळी गावातच केळीच्या पानावर कोकणी शाकाहारी पदार्थांचा आस्वादही घेता येईल.

रिचार्ज टीम