अशी करा बॅग पॅक

कुठेही फिरायला जायचं असलं की कमीत कमी पण महत्त्वाच्या सामानाची बांधाबांध कशी करायची हा मोठा प्रश्न आपल्यासमोर असतो. अनेक वस्तू गरजेच्या म्हणून, तर काही वस्तू उपयोगी पडतील म्हणून घेतल्या जातात. ट्रिपच्या सामानाची बांधाबंध करण्यात खूप वेळ निघून जातो. अशा वेळी नेमक्या कोणत्या गोष्टी बॅगेत असायला हव्यात याविषयीच काही खास टिप्स

- ट्रिपला जाताना मोजकंच पण गरजेचं सामान स्वतःबरोबर ठेवा. ट्रिपमध्ये हाताळण्यासाठी सोप्या अशा स्टाइलच्या बॅग निवडा. ट्रेकला जाणार असाल तर तुमची सामानाची बॅग हलकी असू द्या.
-ट्रिपला जाताना काहीजण कपडेच जास्त घेतात. कपडे ओले होतील म्हणून तर फिरताना खराब होतील म्हणून विनाकारण कपड्यांचे जादा जोड ठेवले जातात. जास्त दिवसांची ट्रिप असल्यास असे जास्तीचे जोड ठेवण्यास काहीच हरकत नाही. पण ट्रेकिंगला जाताना कमीत-कमी सामान कसं बरोबर घ्याल यावर लक्ष द्या.
-साइटसीइंग किंवा फिरायला जाताना तुम्ही कोणत्याही रंगसंगतीचे कपडे घातलेत तर काही हरकत नाही. पण ट्रेकला किंवा निसर्गाच्या सान्निध्यात जाताना शक्यतो फिक्या रंगाचे कपडे बॅगेत असू द्या. उदा. हिरवा, आकाशी रंग. हा विचार करुन बॅगेत मोजकेच कपडे भरा.
-तुम्ही प्रवास कसा करणार आहात ते लक्षात घ्या. विमानाने, रेल्वे किंवा बसने प्रवास करणार असाल तर त्यानुसार सामान घ्या.
-सामानाची बांधाबांध करायला घेताना गरजेच्या वस्तू एकत्र करुन ठेवा. त्यानंतर त्यामधल्या कमी महत्त्वाच्या गोष्टी बाजूला काढा.
- तुमच्या महत्त्वाच्या कागदपत्रांची एक-एक झेरॉक्स कॉपी तुमच्या जवळच्या सगळ्या बॅगांमध्ये असू द्या. माहितीपत्र किंवा ओळखपत्र यांचा समावेश या कागदपत्रांमध्ये असू द्या. बॅग हरवली तर ती मिळण्यासाठी ही कागदपत्रं तुमच्या उपयोगी पडतील. कागदपत्रांबरोबर एखादी डायरीही तुमच्यासोबत असू द्या.
- सगळ्यात महत्त्वाचं म्हणजे प्रथमोपचाराचं साहित्य तुमच्या बॅगेत असलंच पाहिजे.
संकलन - शब्दुली कुलकर्णी, कॉलेज क्लब रिपोर्टर