Fact Check: खरंच गरीब विद्यार्थ्यांना मिळणार 'प्रधानमंत्री शिशु विकास योजने'चा लाभ?

शिक्षणाचा प्रसार वाढण्यासाठी केंद्र सरकार विविध योजना राबवत असते. याच पार्श्वभूमीवर एक मेसेज सध्या व्हायरल होत आहे. केंद्र सरकार 'प्रधानमंत्री शिशु विकास योजने’ अंतर्गत आर्थिक मदत करत आहे. यासाठी तुम्हाला एक फॉर्म भरावा लागेल. हा फॉर्म भरताच तुम्हाला पैसे मिळू लागतील असा दावा या मेसेजमध्ये करण्यात आला आहे. परंतु हा दावा खोटा आहे. अशी कुठलीही योजना सरकारने सुरु केलेली नाही.

Video: संतापलेल्या नवरीचा भरलेल्या मांडवात राडा, नवदेवाला धू-धू धुतलं

या मेसेजमध्ये नेमकं काय लिहिलं आहे?

गरीब विद्यार्थ्यांना चांगलं शिक्षण आणि आरोग्य मिळावं यासाठी केंद्र सरकारनं प्रधानमंत्री शिशु विकास योजना सुरु केली आहे. या योजनेअंतर्गत तुम्हाला आर्थिक मदत मिळू शकेल. असा दावा या मेसेजमध्ये करण्यात आला आहे. परंतु PIB फॅक्ट चेकने दिलेल्या माहितीनुसार हा मेसेज खोटा आहे. अशी कुठलीही योजना केंद्र सरकारने सुरु केलेली नाही. या मेसेजच्या माध्यमातून लोकांची फसवणूक केली जात आहे.

Shocking: विचित्र की विक्षिप्त? करोनाचे निर्बंध हटविले म्हणून कापले स्वत:चे अवयव


व्हायरल मेसेजची उलटतपासणी कशी कराल?

सरकारी योजनेसंदर्भात कुठलीही माहिती खरी आहे की खोटी याबाबत जाणून घेण्यासाठी PIB Fact Check अर्थात प्रेस इन्फोर्मेशन ब्यूरोची मदत घेतली जाऊ शकते. पीआयबी फॅक्ट चेकला संशयास्पद बातमीचा स्क्रीनशॉट, ट्विट, फेसबुक पोस्ट किंवा URL पाठवा. तुमच्या शंका तुम्ही ९१८७९९७११२५९ या WhatsApp क्रमांकावरुन विचारू शकता. किवा pibfactcheck@gmail.com वर इमेल देखील करू शकता.