पैसे कमावण्यासाठी प्रचंड मेहनत करावी लागते. भरपूर अभ्यास करावा लगातो. विविध प्रकारचे अनुभव घ्यावे लागतात असं म्हटलं जातं. परंतु काही जणांना पाहून आश्चर्यच वाटतं. कारण ही मंडळी कुठलंही काम न करता देखील हजारो-लाखो रुपयांची कमाई करतात. आता या १९ वर्षांच्या तरुणीचंच उदाहरण घ्याना. केवळ आपले पाय दाखवून ही तरुणी हजारो रुपयांची कमाई करत आहे.
या तरुणीचं नाव मॅकी क्यूरिन (Maci Currin) असं आहे. अमेरिकेतील टेक्सासमध्ये राहणारी ही तरुणी आपल्या पायांसाठी प्रसिद्ध आहे. तिच्याकडे सर्वात लांब पाय आहेत. या पायांसाठी तिला ‘गिनिज बुक ऑफ वर्ल्ड रेकॉर्ड’ या पुरस्कारानं देखील सन्मानित करण्यात आलं आहे.
मॅकीची उंची ६ फूट १० इंच इतकी आहे. आश्चर्याची बाब म्हणजे इतर लोकांच्या तुलनेत तिचे पाय खूपच उंच आहेत. तिचा डावा पाय ३४.३ cm आहे तर उजवा ३५.३६ cm आहे. ती आपल्या या लांबलचक पायांचे फोटो सोशल मीडियावर शेअर करत असते. या फोटोंवर लाखो-करोडो व्ह्यूज मिळतात. आपल्या पायांमुळे १९ वर्षांची ही तरुणी सोशल मीडियास्टार झाली आहे.
मॅकीला इन्स्टाग्राम व टिक-टॉक ४० लाखांपेक्षा अधिक नेटकरी फॉलो करतात. या फॉलोअर्सच्या माध्यमातून ती महिन्याला हजारो रुपयांची कमाई करते. अनेक नामांकित ब्रँडच्या जाहिरातील तिला मिळतात. तसंच काही मॅगझिन कंपनी तिला मॉडलिंगच्या ऑफर्स देतात. मॅकी आपल्या सोशल मीडिया पोस्टच्या माध्यमातून नेटकऱ्यांना प्रेरीत करण्याचा प्रयत्न करते. त्यांच्यामध्ये सकारात्मकता यावी यासाठी विचारवंतांचे कोट्स वगैरे वाचून दाखवते.
मॅकी आपल्या कुटुंबातील सर्वात उंच सदस्य आहे. सुरुवातीला शाळेत असताना या उंचीसाठी तिला चिडवलं देखील जायचं. इतका उंच जोडीदार तुला कुठे मिळणार? अशी तिची खिल्ली उडवली जात असे. पण कुटुंबीयांनी तिची साथ दिली. तिच्याकडे जे आहे ते जगात कोणाकडेच नाही ही गोष्ट तिला पटवून दिली. दरम्यान या निराशामय वातावरणातून बाहेर पडण्यासाठी तिने फोटो आणि व्हिडीओ पोस्ट करण्यास सुरुवात केली होती. अन् आता या ऑनलाईन पोस्टमुळेच ती सोशल मीडिया मीडिया स्टार झाली आहे.