Shocking Video: ‘याला म्हणतात नियंत्रण’; तरुणाने एकाच वेळी चालवल्या २ बाईक

बाईक चालवणं हे दिसतं तितकं सोपं नाही. तुम्हाला स्वत:चं संतुलन राखावं लागतं. त्यानंतर रस्त्यावरील इतर गाड्यांपासून सुरक्षित अंतर ठेवावं लागतं. सोबतच ट्रॅफिकचे नियम देखील पाळावे लागतात. परंतु एक व्यक्ती असा देखील आहे. जो एकाच वेळी दोन बाईक चालवू शकतो. ऐकूनच चकित झालात ना? तर मग हा व्हिडीओ पाहा. हा व्यक्ती अगदी सराईतपणे एकाच वेळी दोन बाईक चालवताना दिसत आहे. त्याचा हा अनोखा पराक्रम पाहून आसपासची लोकं देखील हैराण झाले आहेत.


या व्हिडीओमध्ये तुम्ही पाहू शकता की एक व्यक्ती एकाच वेळी दोन बाईक चालवत आहे. खरं तर तो एकाच बाईकवर बसला आहे. मात्र तो दोन बाईक आपल्या दोन हातांनी नियंत्रीत करताना दिसत आहे. तो ज्या बाईकवर बसलाय ती बाईक आपल्या उजव्या हातांनी नियंत्रीत करतोय, तर दुसरी बाईक आपल्या डाव्या हाताने. आश्चर्याची बाब म्हणजे ही कलाबाजी तो ट्रॅफिक जॅम असताना देखील दाखवत आहे. परिणामी बाईकवरील त्याचं नियंत्रण पाहून अनेकांनी आश्चर्य व्यक्त केलं आहे.


अशा प्रकारे बाईक चालवणं काही सोपं काम नाही. यासाठी प्रचंड सराव लागतो. तुमचं बाईकवरील नियंत्रण खूप चांगलं पाहिजे. अन्यथा दोन सोडा एकही बाईक तुम्हाला धड चालवता येणार नाही. हा व्हिडीओ memecentral.teb या इन्स्टाग्राम पेजवरून शेअर करण्यात आला आहे. हा व्हिडीओ पाहून अनेकांनी या व्यक्तीचं कौतुक केलं आहे.