शॉपिंगला जायचंय? पुरुषांना या ठिकाणी सोडा, आनंद महिंद्रांनी महिलांसाठी शेअर केली खास जाहिरात

आनंद महिंद्रा हे सोशल मीडियावर प्रचंड सक्रिय असतात. ते विविध पोस्टच्या माध्यमातून देशभरातील तरुणांना नवनवीन माहिती देतात. त्यांना उद्योजक होण्यासाठी प्रेरणा देतात. यावेळी देखील त्यांनी अशीच एक अनोखी पोस्ट शेअर केली आहे. यामध्ये नवऱ्यांसाठी सुरू केलेल्या पाळणाघरासंबंधी जाहिरात आहे. आता तुम्ही म्हणाल की काय नवी भानगड? पाळणाघर तर लहान मुलांसाठी असतं पुरुषांसाठी नव्हे. पण होय, हे पाळणाघर पुरुषांसाठीच आहे. ज्या महिलांना स्वत:साठी वेळ हवाय, ज्यांना खरेदी करायची आहे, किंवा कुठेतरी छान फिरायला जायचेय. अशा महिला आपल्या नवऱ्याला या पाळणाघरात ठेवून जाऊ शकतात. या ठिकाणी नवऱ्याची पूर्ण काळजी घेतली जाईल. फक्त त्याच्या ड्रिंक्सचे पैसे मात्र बायकोला भरावे लागतील. खरं तर ही जाहिरात विदेशात असलेल्या एका बारची आहे. पण त्यांनी ज्या पद्धतीनं ग्राहकांना आकर्षित केलंय ते पाहून आनंद महिंद्रा सुद्धा शॉक झाले. (फोटो सौजन्य - @anandmahindra/Twitter) पोलिसांसमोर हेल्मेट न घालता बाईक कशी चालवायची? तरुणानं शोधला भन्नाट जुगाड​

“नाविन्य म्हणजे केवळ नवीन उत्पादने तयार करणे नव्हे. तर अगोदरच उपलब्ध असलेल्या उत्पादनांसाठी नवीन ग्राहक तयार करणं होय.” असं ट्विट करत आनंद महिंद्रा यांनी या जाहिरातीचं तोंड भरून कौतुक केलं आहे. त्यांची ही पोस्ट सध्या इंटरनेटवर व्हायरल होत असून आमच्यासाठी तुम्ही अशी पाळणाघरं सुरू करा ही विनंती बहुतांशी पुरुष नेटकऱ्यांनी केली आहे. ही अभिनव कल्पना अनेकांना आवडली आहे.