बिल गेट्स हे जगातील सर्वात श्रीमंत उद्योजकांपैकी एक म्हणून ओळखले जातात. सध्या ते भारत दौऱ्यावर आहेत. आपल्या देशात येऊन त्यांनी अनेक मोठमोठ्या उद्योजक, राजकीय नेते आणि सेलिब्रिटींची भेट घेतली. अलिकडेच केंद्रिय मंत्री स्मृती इराणी यांच्याकडून त्यांनी डाळ कशी तयार करायची हे शिकून घेतलं होतं. त्यानंतर आता त्यांचा रिक्षा चालवतानाचा व्हिडीओ व्हायरल होतोय. एक प्रचंड मोठा उद्योजक सूटाबूटात रिक्षा चालवतोय हे पाहून सर्वच जण थक्क झाले आहेत. (फोटो सौजन्य - thisisbillgates/Instagram) चौघांपैकी कोणाला आपली सीट द्याल? ३७ लाख लोकांना न सुटलेलं कोडं तुम्हाला सुटतंय का बघा
इलेक्ट्रिक रिक्षाचं केलं कौतुक
भारतात आल्यापासून बिल गेट्स सतत नवीन काही तरी शिकताना दिसतायेत. यावेळी त्यांनी महिंद्रा कंपनीची ‘इलेक्ट्रिक रिक्षा’ चालवून पाहिली. एवढंच नव्हे तर मोठ्या उत्साहानं रिक्षा चालवतानाचा व्हिडीओ देखील शेअर केला. आश्चर्याची बाब म्हणजे आलिशान गाड्यांमधून फिरणारा हा उद्योजक मोठ्या आनंदानं रिक्षा चालवताना दिसतोय. या रिक्षाचं त्यांनी तोंड भरून कौतुक केलंय. हा व्हिडीओ त्यांनी आपल्या thisisbillgates या इन्स्टाग्राम पेजवर शेअर केला आहे. हा व्हिडीओ आतापर्यंत ९ लाखांपेक्षा अधिक नेटकऱ्यांनी पाहिला आहे. (फोटो सौजन्य - thisisbillgates/Instagram) पोपट म्हणतोय, पप्पा फक्त माझेच! वडिलांना इंप्रेस करायला मुलांसोबत करतोय भांडण