Video: ‘खाल्ल्यावर वेडच लागेल’; कँडी क्रश पराठा पाहून नेटकरी झाले सैराट

गेल्या काही काळात विविध प्रकारच्या फूड रेसिपी तयार करून त्या सोशल मीडियावर शेअर करण्याचा एक नवा ट्रेंडच आला आहे. यामधील काही रेसिपी पाहून खरंच कमाल वाटतं. तो पदार्थ लगेचच घरी करून पाहण्याची इच्छा निर्माण होते. परंतु काही पदार्थ तर फारच विचित्र असतात. आईसक्रीम डोसा, बिस्किट भजी, सफरचंद भजी, मिरिंडा पाणीपुरी असे पदार्थ ऐवत देखील नाहीत. याच यादीतील आता आणखी एक नवा पदार्थ समोर आला आहे. या पदार्थाला कँडी क्रश पराठा असं म्हटलं जात आहे. याची रेसिपी पाहून खवय्ये मंडळी मात्र अवाक झाले आहेत.

हा अनोखा पराठा दिल्लीतील चांदनी चौकमध्ये मिळतो. या व्हिडीओमध्ये तुम्ही पाहू शकता की, दुकानदार पराठ्याच्या आत वेगवेगळ्या कँडी आणि जेली भरताना दिसत आहे. त्यानंतर हे मिश्रण डीप फ्राय केलं जातं. शेवटी कँडी क्रश पराठ्यासोबत बटाट्याची भाजी, लोणचं आणि चटणी दिली जाते. Chahat_anand या इन्स्टाग्राम अकाउंटवरुन हा व्हिडीओ शेअर करण्यात आला आहे.


हा व्हिडिओ पाहून अनेक जण आश्चर्यचकीत झाले आहेत. काही जणांनी या पराठ्याची खिल्ली देखील उडवली आहे. “हा पराठा खाल्ल्यावर वेड लागेल, आता मंगळावर जाण्याची वेळ आली आहे, असे पदार्थ तयार करण्याची कल्पना यांना युक्ती सुचते तरी कशी?” अशा प्रतिक्रिया देत पराठ्यावर टीका करत आहेत.