मधुची पाचवी मुलगी सोशल मीडियावर व्हायरल, ‘त्या’ चुकीमुळे उडवली जातेय खिल्ली

आधार कार्ड हे अत्यंत महत्वाच्या कागदपत्रांपैकी एक आहे. अगदी मोबाईलसाठी सीमकार्ड घ्यायचं असेल किंवा बँकेत खातं उघडायचं असेल, सर्व ठिकाणी ओळखपत्र म्हणून आधारकार्ड सादर करावं लागतं. आधारकार्ड हे आपण भारतीय असल्याचा एक पुरावाच आहे असं म्हटलं तर वावगं ठरणार नाही. परंतु हे ओळखपत्र सध्या वेगळ्याच कारणामुळे चर्चेत आहे. कारण या आधारकार्डावर जे नाव दिलं आहे ते पाहून हसावं की रडावं हेच तुम्हाला कळणार नाही. हे आधारकार्ड एका लहान मुलीचं आहे. अन् त्यावर या मुलीच्या नावाऐवजी ‘मधुका पाचवा बच्चा’ असं लिहिण्यात आलं आहे. त्यामुळे आता या मुलीला शाळेत अॅडमिशन तरी द्यायचं कसं? हा प्रश्न शाळेला पडलाय. दरम्यान या आधारकार्डाचा फोटो सध्या सर्वत्र व्हायरल होत आहे.

मंदिरात करत होता चोरी, देवाने दिली ऑन द स्पॉट शिक्षा, पाहा चोराचा Viral video
ही चकित करणारी घटना युपीमधील बदायु येथे घडली. एक लहान मुलगी आपल्या आईसोबत शाळेत अॅडमिशन घेण्यासाठी आली होती. त्यावेळी ओळखपत्र म्हणून त्यांनी आपलं आधारकार्ड सादर केलं. मात्र या ओळखपत्रावर त्या मुलीचं नाव नव्हतं. त्या ऐवजी ‘मधुचा का पाचवा बच्चा’ असं त्यावर लिहिण्यात आलं होतं. आता मुलीचं नाव असं कसं असेल? हा प्रश्न मुख्याध्यापकांना पडला. मात्र यावर मुलीच्या आईनं दिलेलं उत्तर ऐकून तुम्ही देखील थक्कच व्हाल. आधारकार्ड तयार करणाऱ्या कर्मचाऱ्यांनीच त्या मुलीचं नाव असं लिहिलं होतं.

‘काय हादरलास ना भावा?’ चहलने Ron out करताच विराट चाहत्यांना धक्का, पाहा funny memes

या शाळेच्या मुख्याध्यापिकांचं नाव सीमा रानी असं आहे. या प्रकरणावर तोडगा काढण्यासाठी त्यांनी राज्याच्या शिक्षा विभाग अधिकाऱ्यांना विशेष पत्र लिहिलं होतं. त्यानंतर अधिकाऱ्यांनी हस्तक्षेप करुन या मुलीच्या अॅडमिशची प्रक्रिया सुरु केली. दरम्यान या मुलीला अॅडमिशन न घेता देखील शाळेत बसून शिकण्याची संमती देण्यात आली आहे. शिवाय या मुलीचं आधारकार्ड दुरुस्त करून घेण्याच्या सुचना देखील तिच्या पालकांना देण्यात आल्या आहेत. मधुची पाचवी मुलगी असं नाव लिहिणाऱ्या या आधारकार्ड कर्मचाऱ्यावर लवकरच कायदेशीर कारवाई केली जाईल असं आश्वासन शिक्षण विभागानं दिलं आहे. दरम्यान या प्रकरणाची चौकशी सुरु आहे.