इवल्याशा मिरचीत आहे १०० बॉम्बची पावर; एका मिनिटात जातो खाणाऱ्याचा जीव

तुम्हाला जगातीला सर्वात तिखट मिरची कुठे मिळते माहिती आहे का? (Hottest Peppers In The World) ही मिरची कितीही मोठा तीस मार खा आला तरी खाऊ शकणार नाही. कारण या तिखट मिरचीमुळे माणसांचे मृत्यू देखील झाले आहेत.

या मिरचीचं नाव ‘ड्रायगन ब्रेथ’ (Dragon's Breath) असं आहे. ही मिरची इतकी तिखट असते की खाणाऱ्याच्या तोंडातून जणू आगच निघते. त्यामुळे या मिरचीला ड्रायगन ब्रेथ असं म्हणतात.

या मिरचीचं उत्पादन ब्रिटनमधील Denbighshire आणि Saint Asaph या ठिकाणी केलं जातं. युरोपमधील माईक स्मिथ या शेतकऱ्यानं या तिखट मिरचीचा शोध लावला होता. ही मिरची खाल्ल्यानंतर शेतकऱ्याच्या संपूर्ण अंगात आग झाली होती. जणू त्याचं तोंड आगीनं भाजल्यासारखं झालं होतं. म्हणूनच त्याने या मिरचीचं नाव ‘ड्रायगन ब्रेथ’ असं ठेवलं.

ही मिरची तब्बल २.४८ दशलक्ष स्कोव्हिल युनिट्स इतकी तिखट आहे. (Hottest chilli Peppers) सर्वसाधारण भाषेत सांगायचं झालं तर या दोन मीरच्या एकाच वेळी खाल्ल्या तर श्वास गुदमरून माणसाचा मृत्यू देखील होऊ शकतो.

‘ड्रायगन ब्रेथ’ला जगातील सर्वात तिखट मिरची म्हणून गिनीज बूक ऑफ वर्ल्ड रेकॉर्डचा (Guinness World Records) पुरस्कार देखील मिळाला आहे. ही मिरची खरेदी करताना त्याच्या पाकिटावर सावधानतेचा इशारा देखील दिला जातो. त्यामुळे जर तुम्हाला तिखट खाण्याची सवय नसेल तर तुम्ही या मिरचीपासून चार हात लांबच राहा.