तोंडावर काढला चक्क टॅटू
Dailystar.co.uk ने दिलेल्या वृत्तानुसार ही घटना ब्राझिलमधील साओ पाउलो इथे घडली होती. या २० वर्षीय तरुणाचं नाव कोल्हो (Coelho) असं आहे. त्यानं १८ वर्षांच्या Tayane Caldas ला किडनॅप केलं होतं. गेली २ वर्ष ते रिलेशनशिपमध्ये होते. परंतु काही कारणास्तव त्यांच्यात मतभेद झाले. अन् अखेर तरुणीने ब्रेकअप करण्याचा निर्णय घेतला. मात्र तिचा हा निर्णय तरुणाला मात्र मान्य नव्हता. त्यानं आपल्या प्रेयसीला रोखण्याचा पुर्ण प्रयत्न केला. पण काही केल्या ती ऐकायला तयारच नव्हती. अखेर संतापाच्या भरात त्याने शाळेत जाताना तरुणीचं किडनॅप केलं. अन् बदला घेण्यासाठी तिच्या चेहऱ्यावर स्वत:च्या नावाच्या टॅटू काढला.
पोलिसांनी केली अटक
दिवस संपत आता तरी मुलगी घरी परतली नाही म्हणून आई-वडील चिंतेत होते. परिणामी त्यांनी थेट पोलिसांकडे धाव घेतली. पोलिसांनी जेव्हा Tayane Caldas बद्दल चौकशी केली तेव्हा तिचं किडनॅप झाल्याचं त्यांच्या लक्षात आलं. मग पोलिसांनी पुढच्या काही तासांतच तरुणीला शोधून काढलं. आणि तरुणाला ताब्यात घेतलं. अर्थात त्याने स्वत:वरील आरोप फेटाळून लावले आहेत. तिनं स्वत:च्या मर्जीनं टॅटू काढून घेतला आहे असा दावा त्यानं केला. पोलीस सध्या या प्रकरणाची चौकशी करत आहेत. या तरुणाला पोलिसांनी अटक केली आहे.