Video: बर्फावर गोळी चालवल्यावर काय होतं? पाहून तुम्हालाही बसेल आश्चर्याचा धक्का

बंदूकीतून सुटलेली गोळी ही खूपच घातक असते. तिचा वेग इतका जास्त असतो की ती समोरील वस्तूला चिरून बाहेर पडते. अन् त्यामुळेच गोळी लागताच माणूस गंभीररित्या जखमी होतो. परंतु विचार करा की ही गोळी जर बर्फाच्या लादीत चालवलं तर काय होईल? ती खरंच इतक्या वेगाने जाऊ शकेल का? ती बर्फाचे दोन तुकडे करू शकेल का? असे प्रश्न तुम्हाला देखील कधीना कधी पडलेच असतीलच. तर या प्रश्नांची उत्तरं देणारा एक व्हिडीओ सध्या चर्चेत आहे. या व्हिडीओमध्ये पाहा बंदुकीतून सुटलेली गोळी बर्फात अडकताच तिचं काय होतं?

या व्हिडीओमध्ये तुम्ही पाहू शकता की, एक व्यक्ती एकामागून एक बर्फावर गोळ्या झाडत आहे. त्यामुळे बर्फाच्या लादीवर भेगा पडल्या. दरम्यान एक गोळी बर्फाच्या आत घुसलीच नाही, असं त्याच्या लक्षात आलं. जेव्हा जवळ जावून त्याने गोळीचं निरिक्षण केलं. तेव्हा एक विचित्रच गोष्ट त्याच्या लक्षात आली. ही गोळी जणू एखाद्या भिंगरीसारखी गोल फिरत होती. तिचा वेग इतका जास्त होता की ती आसपासच्या बर्फाला देखील वितळवत होती.


हा व्हिडिओ @memewalanews या इन्स्टाग्राम अकाउंटवरून शेअर करण्यात आला आहे. हा व्हिडीओ पाहून अनेकांनी आश्चर्य व्यक्त केलं आहे. नेटकरी यावर विविध प्रकारच्या प्रतिक्रिया देत आहेत.