करोडपती व्हायचंय? तर करा शिव्या घालणाऱ्यांशी मैत्री, कारण…

न्यूजर्सीमधील कीन युनिव्हर्सिटीच्या (Kean University) संशोधकांनी शिव्या घालणाऱ्या लोकांवर संशोधन केलं. अन् या संशोधनातून त्यांना आश्चर्यचकित करणारी माहिती मिळाली आहे.

साधारणपणे लोक आपला राग व्यक्त करण्यासाठी शिव्या घालतात. परंतु जी मंडळी वारंवार शिव्या घालतात त्यांना राग कमी येतो. कारण शिव्यांमुळे त्यांच्या डोक्यातील राग दिर्घकाळ टिकत नाही. परिणामी त्यांचं डोकं शांत राहातं. असा दावा या संशोधनात करण्यात आला आहे.

शिव्या देणारी लोक समाधानी आणि प्रामाणिक असतात. ही मंडळी मित्रांचा विश्वासघात करत नाहीत. शिवाय ते व्यवसाय करण्यातही तरबेज असतात. त्यामुळे त्यांच्यासोबत काम करणाऱ्यांना चांगला नफा होऊ शकतो असा देखील दावा या संशोधात करण्यात आला आहे.

कीन युनिव्हर्सिटीनं आपल्या या रिसर्चमध्ये काही विद्यार्थ्यांना सहभागी करून घेतलं होतं. या विद्यार्थ्यांचे हात बर्फाच्या पाण्यात बुडवून ठेवण्यात आले. यात असं समोर आलं, की जे विद्यार्थी या प्रक्रियेदरम्यान शिव्या देत होते, ते आपला हात थंड पाण्यात जास्त काळ ठेवू शकले. याच आधारे रिसर्चसनं आपल्या नव्या अभ्यासात म्हटलं, की शिव्या देणाऱ्या लोकांचं फ्रस्टेशन (depression) कमी होतं आणि माणसाचं डोकंही शांत राहातं.

स्ट्रेस कमी झाल्यास माणूस अधिक आयुष्य जगतो. स्टडीमध्ये हे समोर आलं, की जे लोक शिव्या देत नाहीत ते कठीण काळात लवकर हार मानतात. ते अधिक मानसिक तणावात असतात आणि याचा परिणाम त्यांच्या मानसिक आरोग्यावर देखील होतो.