कपड्यांमधून कपड्यांची चोरी! दरोडेखोर महिलांचा प्रताप CCTV कॅमेऱ्यात कैद

एखादी वस्तू पळवण्यासाठी चोर विविध पर्यायांचा वापर करतात. मात्र चोर कितीही हुशार असला तरी कुठली ना कुठली चूक तर तो करतोच. अशाच एका स्वत:ला हुशार समजणाऱ्या चोराचा खेळ जगासमोर आला आहे. या चोर महिला दुकानातून महागडे कपडे पळवत होत्या. त्यांनी दुकानदाराला बोलण्यात गुंतवलं आणि कपड्यांच्या आत कपडे लपवून पसार झाल्या. परंतु त्यांची ही चोरी CCTV कॅमेऱ्यात कैद झाली. अन् पोलीस आता या महिलांचा शोध घेत आहेत.

ही चकित करणारी घटना कल्याणमध्ये घडली. कपडे चोरणाऱ्या या महिलांच्या टोळीनं हजारोंचा माल लंपास केला आहे. दुकानात चोरी करून या महिला फरार झाल्या आहेत. पोलिसांनी या महिलांचा शोध घेण्यासाठी मोहीम सुरु केली आहे. पोलीस पथकांच्या माध्यमातून या कपडे चोरणाऱ्या महिलांच्या टोळीचा (Lady gang) शोध घेतला जातोय. कल्याणमध्ये घडलेल्या या चोरीच्या घटनांमुळे कपडे विक्री करणारे दुकानदारही धास्तावले आहेत.

केतकी चितळे पुन्हा ट्रोल! शरद पवारांवर केली वादग्रस्त कविता, पाहा काय म्हणतेय मराठी जनता?


Why God, Why? विराटच्या डोळ्यांतील अश्रू पाहून नेटकरी सुन्न, विराटला आता ड्रॉप करणार?
या टोळीनं एका दुकानातून १६ हजार रुपयांचे कपडे चोरून नेलेत. हा प्रकार CCTV कॅमेऱ्यात कैद झालाय. कल्याण पश्चिमेच्या छत्रपती शिवाजी महाराज चौकात केशाज लेडीज गारमेंट नावाचं दुकान आहे. या दुकानात ६ मे रोजी संध्याकाळी ६ च्या सुमारास काही महिला आणि पुरुष अशी चोरट्यांची टोळी आली. यापैकी काही महिलांनी दुकानातील कर्मचारी भूपेंद्र चावडा यांना कपडे दाखवण्यात गुंग ठेवलं आणि इतर महिलांनी रॅकमधले कपड्याचे बंडल चोरले. या प्रकरणी पोलिसांनी IPC ३८०, ३४ प्रमाणे गुन्हा दाखल केला आहे.