वेड लागलंय का भाऊ? प्रसिद्धीसाठी तरुणाने स्वत:लाच घेतलं पेटवून

सोशल मीडियामुळे प्रसिद्धी मिळवणं फारच सोपं झालं आहे. अगदी काही सेकंदात तुमची एखादी पोस्ट जगाच्या कानाकोपऱ्यात पोहोचते. त्यामुळे अनेक लोक रातोरात लोकप्रियतेच्या शिखरावर पोहोचले आहेत. मात्र काही लोक प्रसिद्धी मिळवण्याच्या नादात अगदी काहीही करतात. अशा गोष्टी ज्यांची आपण साधी कल्पना देखील करू शकत नाही. आता हेच उदाहरण पाहा ना. एका व्यक्तीनं चित्रपटात दाखवतात तसं कॅमेऱ्यासमोर स्वत:ला पेटवून घेण्याचा प्रयत्न केला. पण हा आगीचा खेळ उलट त्याच्याच अंगाशी आला. अन् भलतंच काहीतरी घडलं.

जगातील सर्वात मोठा बटाटा पाहिलात का? भरू शकतो अख्ख्या गावाचं पोट
या व्हिडीओमध्ये तुम्ही पाहू शकता की, एक व्यक्ती चित्रपटात दाखवतात तसा कॅमेऱ्यासमोर स्टंट मारण्याचा प्रयत्न करत आहे. त्याने स्वत:च्या पाठीला आग लावली. हा व्यक्ती नेमकं काय करण्याचा प्रयत्न करत होता हे देवच जाणो. या आगीमुळे त्याला काहीच होणार नाही असा विश्वास त्याला होता. परंतु हा विश्वास अखेर फोल ठरला. कारण ही आग प्रमाणापेक्षा जास्तच वाढली. त्याने अंगावर ३ टी-शर्ट घातले होते. परंतु या तिन्ही कपड्यांनी एकाच वेळी पेट घेतला. त्यामुळे त्याचं अंग भाजून निघालं.

आली लहर केला कहर! चहा नाही प्यायला म्हणून ग्राहकांना दिले चाबकाचे फटके

पन्हाळगड का होता अभेद्य? जाणून घेण्यासाठी जपानी सैनिक आले महाराष्ट्रात
उगाच आगीशी खेळ करू नये असं जेष्ठ मंडळी सांगतात. ते असं का सांगतात? याची प्रचिती हा व्हिडीओ पाहिल्यानंतर येते. हा व्हिडीओ @ViciousVideos या ट्विटर अकाउंटवरुन शेअर करण्यात आला आहे. हा व्हिडीओ पाहून अनेकांनी आश्चर्य व्यक्त केलं आहे. शिवाय “असे मुर्खा सारखे खेळ करू नकोस” असा सल्ला अनेकांनी त्याला दिला आहे.