OMG! करोनामुळे होतोय हा Side effect; विचित्र समस्येमुळे जगप्रसिद्ध मॉडेल झाली हैराण

करोना विषाणूचा प्रभाव अद्याप थांबलेला नाही. त्यातच आता करोनाचे विविध व्हेरिएंट जगभरात पसरू लागले आहेत. परिणामी करोनाच्या लक्षणांमध्ये देखील आता बदल होऊ लागला आहे. तसंच काही जणांना तर करोना बरा झाल्यानंतर देखील दुष्परिणामांचा सामना करावा लागत आहे. आता या जगप्रसिद्ध मॉडेल ऑलिव्हिया रॉजर्स हिचच उदाहरण घ्याना. करोनामुळे तिला एका विचित्र समस्येचा सामना करावा लागत आहे. या समस्येमुळे ती अक्षरश: हैराण झाली आहे. या समस्येतून बाहेर येण्यासाठी तिने लाखो रुपये खर्च केले. पण समस्या जैसे थेच आहे. परिणामी आता नेटकऱ्यांनी तरी यावर काहीतरी उपाय सुचवावा अशी विनंती ती करत आहे.

मिस युनिव्हर्स स्पर्धेत भाग घेऊन प्रकाशझोतात आलेल्या ऑलिव्हियाच्या बॉयफ्रेंडला करोनाची लागण झाली होती. त्याच्यामुळे मग ही सौंदर्यवती देखील करोनाबाधित झाली. परंतु काही दिवसांतच योग्य उपचार घेऊन ती बरी झाली. मात्र बरं झाल्यानंतर देखील तिला एका विचित्रच समस्येचा सामना करावा लागत आहे. आता तिला सतत ढेकर येत आहेत.


द सननला दिलेल्या मुलाखतीत तिने आपल्या या अनोख्या समस्येवर भाष्य केलं. ती म्हणाली, “करोनाचा उपचार घेत असताना मला सतत ढेकर येत होते. आधी मी त्यांच्याकडे दुर्लक्ष केलं. परंतु हे ढेकर काही थांबण्याचं नावच घेत नाहियेत. मी डॉक्टरांकडे गेली आणि महगाडी औषधं घेतली. तरी देखील परिस्थिती जैसे थेच आहे. कधीही कुठेही बोलताना अचान ढेकर येतो. यामुळे सोबत असलेल्या व्यक्तीला अचाकन किळसवाणं वाटतं. त्यामुळे हे ढेकर थांबवण्यासाठी कोणीतरी उपाय सुचवा.” ऑलिव्हिया सोशल मीडियावर प्रचंड सक्रिय असते. अलिकडेच एका लाईव्ह सेशनमध्ये देखील तिने आपल्या या अनोख्या समस्येबद्दल चाहत्यांना माहिती दिली होती.