मनसेचं फेक आंदोलन?
मनसेनं राहुल गांधींची शेगांवमधील सभा उधळवून लावण्याचा इशारा दिला होता. या सभेला राज्यभरातील हजारो लोक उपस्थित राहणार होते. अन् त्यामुळे कुठलाही गोंधळ नको म्हणून सुरक्षेसाठी पोलिसांचा फौजफाटा तैनात होता. याच दरम्यान ठरल्याप्रमाणे मनसे कार्यकर्ते राहुल गांधींचा निषेध करण्यासाठी तिथे पोहोचले. पण त्यांचं आंदोलन म्हणावं तसं यशस्वी ठरलं नाही. कारण ते आंदोलनच मुळात फेक होतं असं म्हटलं जात आहे. मनसे कार्यकर्त्यांचं पोलिसांसोबतचं सभाषण तुम्ही या व्हिडीओमध्ये पाहू शकता. कतरिना चालली गाडगे बाबांच्या मार्गावर, कामधंदा सोडून करतेय लोकांच्या घरात सफाई
.
…याला राजकारण एैसे नाव! 🥸🤓😎 https://t.co/hKEtHazS2Q
— Ashish Jadhao आशिष जाधव (@ashish_jadhao) November 22, 2022
काय म्हणाले मनसे कार्यकर्ते?
“आम्हाला फक्त पोलीस व्हॅनजवळ उभं राहु द्या. मग तुम्ही आम्हाला पकडा. पकडल्यानंतर आम्हाला चहा पाजू नका, पाणी देऊ नका. तिथे प्रेसवाले आमचे फोटो काढतील.” असं संभाषण मनसे कार्यकर्ते पोलिसांसोबत करताना दिसत आहेत. या व्हिडीओची पुष्टी महाराष्ट्र टाईम्सनं केलेली नाही. हा व्हिडीओ @ashish_jadhao या ट्विटर अकाउंटवरून शेअर करण्यात आला आहे. हा व्हिडीओ सध्या सोशल मीडियावर व्हायरल होत असून त्यावर नेटकरी विविध प्रकारच्या प्रतिक्रिया देत आहेत.