नीरज चोप्रा कसा राहतो तणावमुक्त? चाहत्यांना दिला हा अनोखा मंत्र

ऑलंम्पिक स्पर्धेत सुवर्णपदक पटकावणारा निरज चोप्रा आता सुपरस्टार झाला आहे. देशांतीलच नव्हे तर विदेशांतील लोकही त्याला फॉलो करु लागले आहेत. आता त्याच्याकडे एक आदर्श खेळाडू म्हणून पाहिलं जाऊ लागलं आहे. तो काय खातो, काय पितो, ट्रेनिंग कशी करतो, तो कशा पद्धतीने विचार करतो याकडे चाहते अगदी बारकाईने लक्ष देऊ लागले आहेत. त्यामुळे आपल्या चाहत्यांना त्याने तणावापासून मुक्ती मिळवण्याचा एक सोपा उपाय सांगितला आहे. अन् त्याचा हा उपाय ऐकून अनेकांनी त्याच्यावर कौतुकाचा वर्षाव केला आहे.

नीरज चोप्राने आपल्या ट्विटर अकाऊंटवरुन एक फोटो शेअर केला, ज्या फोटोमध्ये त्यांने तणावापासून मुक्ती कशी मिळवायची? याचा एक साधा-सोपा उपाय सांगितला. “चहा प्या… चपाती खा अन् टेंन्शला बायबाय करा.” असा उपाय त्याने आपल्या चाहत्यांना सांगीतला. म्हणजेच छोट्या छोट्या गोष्टींमध्ये आनंद शोधा म्हणजे तुमजे तुम्ही तणावग्रस्त राहणार नाही. नीरजची ही पोस्ट काही क्षणातच व्हायरल झाली. काही तासांत या पोस्टला ८२ हजाराहुन अधिक लाईक्स मिळाले. शिवाय ५५०० हून अधिक नेटकऱ्यांनी याला रिट्वीट देखील केलं.


नीरज चोप्राने टोकिओ ऑलम्पिकमध्ये भालाफेकीत सुवर्णपदक पटकावलं होतं. त्यांने ८७.५८ मीटरचा थ्रो करत गोल्ड आपल्या नावावर केलं. ऑलम्पिकच्या इतिहासात पहिल्यांदाच भालाफेकीत भारताला गोल्ड मिळालं. भारताने टोकिओ ऑलम्पिकमध्ये एकूण ७ मेडल पटकावले. सिंगल इव्हेंटमध्ये अभिनव बिंद्रानंतर गोल्ड मेडल जिंकणारा नीरज चोप्रा हा दुसराच खेळाडू आहे. त्यामुळे देशभरातील चाहत्यांनी त्याच्यावर कौतुकाचा वर्षाव केला.