‘बॉयफ्रेंड हा अंधच असावा, कारण...’; तरुणीने सांगितले ५ मोठे फायदे

प्रत्येकाला आपल्या पार्टनरकडून काही अपेक्षा असतात. जसं तो प्रेमळ असावा, प्रामाणिक असावा, त्याने कायम प्रोत्साहन द्याव अशा काही अपेक्षा आपण व्यक्त करत असतो. परंतु एका तरुणीने मात्र आपला जोडीदार अंध असावा अशी इच्छा व्यक्त केली आहे. अंध बॉयफ्रेंड असल्यास काय फायदे होऊ शकतात? ते तिने सांगितले आहेत. होय, या तरुणीचा बॉयफ्रेंड अंध आहे. अन् त्यामुळे ती प्रचंड खुश आहे. कारण तिला हव्या त्या गोष्टी करतात येतात. तिने एका टिक-टॉक व्हिडीओद्वारे हा अनोखा अनुभव नेटकऱ्यांसोबत शेअर केला आहे.

या तरुणीचं नाव निया एस्पेरांज असं आहे. अंध बॉयफ्रेंड मिळाल्यामुळे ती फारच खुश आहे. तो कसा दिसतो? याने तिला काहीच फरक पडत नाही. मात्र तो अंध असल्यामुळे तिला अनेक फायदे होतात. अन् हे सर्व फायदे तिने एका व्हिडीओद्वारे शेअर केले आहेत. विशेष म्हणजे व्हिडीओ तयार करण्यापूर्वी तिने तिने आपल्या बॉयफ्रेंडची परवानगी देखील घेतली होती. किंबहूना त्याच्या सांगण्यावरुनच तिने हा व्हिडीओ तयार केले आहे.

बॉयफ्रेड अंध असल्याचे ५ फायदे

१. तो कधीही दुसऱ्या मुलींकडे पाहात नाही.
२. बॉयफ्रेंडला खुश करण्यासाठी मेकअप करण्याची गरज लागत नाही.
३. बॉयफ्रेंड पाहू शकत नसल्याने त्याच्यापासून गिफ्ट लपवून ठेवण्याची गरज पडत नाही.
४. त्याच्या हालचाली रेकॉर्ड केल्या जात आहेत, हे त्याला कळत नाही. त्याचे प्रँक व्हिडीओ तयार करणं खूप सोपं जातं.
५. कधीच बॅकसीट ड्रायव्हिंग करावी लागत नाही.

नियाचा हा व्हिडीओ सध्या सोशल मीडियावर सर्वांचेच लक्ष वेधून घेत आहे. अनेकांनी यावर आपल्या गंमतीशीर प्रतिक्रिया दिल्या आहेत. अंधपणा एक वरदान आहे असं तुला वाटतं का? असं म्हणत काही जणांनी तिची खिल्ली देखील उडवली आहे.