पुरुषांनो अशा महिलांपासून राहा सावध! लग्नाचं आमिष दाखवून ६ जणांना घातला १८ लाखांचा गंडा

हल्ली सोशल मीडियाच्या जमान्यात फोटो आणि व्हिडीओ पाहून लोक एकमेकांच्या प्रेमात पडतात. डेटिंग अॅपवर भेटतात. एकमेकांशी गप्पा मारतात. अन् मग प्रेमात पडतात. काही माणसं याच गोष्टीचा गैरफायदा देखील घेतात. आता याच महिलेचं उदाहरण घ्याना, ही महिला एकाच वेळी तब्बल ६ पुरुषांना फिरवत होती. प्रेमाचं आमिष दाखवून तिने पुरुषांना लाखो रुपयांचा गंडा घातला होता. पण खोटं शेवटी खोटच असतं. कधीनाकधी ते बाहेर येतच. अखेर एका बॉयफ्रेंडला तिचा हा कारनामा समजला. मग काय त्याने देखील अनोखी शक्कल लढवून तिची भांडाफोड केली. तर मग पाहूया या बॉयफ्रेंडने असं केलं तरी काय?

सौंदर्याच्या जाळ्यात अडकवायची

ही अजब घटना चीनमध्ये घडली आहे. एक महिला आपल्या सौंदर्याच्या जोरावर पुरुषांना प्रेमाच्या जाळ्यात अडकवत होती. या ४२ वर्षांच्या महिलेला पुरुषांसोबत वेळ घालवायला आवडायचा. परंतु एकाच पुरुषासोबत दिर्घ काळ राहायचा तिला कंटाळा येत असे. त्यामुळे ती ६ जणांना डेट करत होती. अर्थात तिचं टाईम मॅनेजमेंट इतकं चांगलं होतं की कोणालाच संशय येत नसे. पण खोटी गोष्ट दिर्घकाळ लपवून ठेवता येत नाही. कधीनाकधी ती बाहेर येतेच. या महिलेच्या बाबतीतही तेच घडलं. अखेर बॉयफ्रेंडने तिची भांडाफोड केलीच.

Shocking Video: ५० गाड्या एकमेकांवर आदळल्या, भीषण अपघातात ३ मृत्यू २० जखमी
घातला लाखोंचा गंडा

डेली इकॉनॉमी न्यूज या चीनी वृत्तपत्रानं दिलेल्या माहितीनुसार या महिलेचं नाव माओ असं आहे. यु नावाच्या व्यक्तीनं तिची भांडाफोड केली. तिने लग्नाच्या शॉपिंगसाठी त्याच्याकडून पैसे घेतले. पण नंतर ती लग्नाचं नावच काढत नव्हती. सतत काही ना काही कारणं पुढे करून टाळाटाळ करायची. त्यामुळे मग त्याला संशय येऊ लागला. मग त्याने थेट ब्रेकअप करून तिच्याविरोधात आर्थिक फसवणूकीची तक्रार केली. बरं त्याने पैसे ऑनलाईन ट्रान्सफर केले होते. त्यामुळे पैसे दिल्याचे पुरावे देखील होते. त्यामुळे मग पोलिसांना देखील या महिलेवर संशय येऊ लागला.

हे कसं शक्य आहे? जेवताना ताटातील मासा अचानक झाला जिवंत, पाहा Video
पोलिसांनी केली अटक

अखेर पोलिसांनी तिला ताब्यात घेतलं व चांगली खडसावून चौकशी केली. त्यावेळी सत्य समोर आलं. ती एकाच वेळी ६ पुरुषांना डेट करत होती. या सर्वांना तिने लग्नाचं आमिष दाखवलं होतं. त्यांच्याकडून ती महागड्या वस्तू, पैसे वगैरे घ्यायची. व एकेदिवशी कोणालाही न सांगता गायब व्हायची. आतापर्यंत तिने या ६ पुरुषांकडून १८ लाख रुपये घेतले होते. सध्या प्रकरण कोर्टात असून या महिलेला कडक शिक्षा द्यावी अशी मागणी तिचे बॉयफ्रेंड करत आहेत.