कसा केला विक्रम
हजारो फुट उंचावर चालणाऱ्या या तरुणाचं नाव राफेल जुग्नो ब्रिडी (Rafael Zugno Bridi) आहे. त्याने दोन हॉट एअर बलूनच्या मध्ये रस्सी लावून त्यावर चालून दाखवलं. आश्चर्याची बाब म्हणजे हा स्टंट त्याने तब्बल १ हजार ९०१ मीटर म्हणजे जवळपास ६ हजार २३६ फुट उंचावर केला. हा स्टंट करताना तो ढगांच्याही वर होता. त्याच्या या आनोख्या स्टंटसाठी त्याला गिनिज बुक ऑफ वर्ल्ड रेकॉर्डच्या पुरस्कारानं सन्मानित करण्यात आलं.
हा व्हिडीओ पाहून चक्रावून जाल
जगभरातून होतोय कौतुकाचा वर्षाव
या आश्चर्यचकित करणाऱ्या स्टंटचा व्हिडीओ Guinness World Records च्या अधिकृत इन्स्टाग्राम अकाउंटवरुन शेअर करण्याता आला आहे. त्याने सर्वाधिक उंचीवर चालून स्लैकलाइन वॉकचा नवा विक्रम प्रस्थापित केला आहे. यापूर्वी हा विक्रम Alexander Schulz याच्या नावावर होता. त्याने १ हजार ७१२ फुट उंचीवर चालून दाखवलं होतं. हा व्हिडीओ पाहून तुम्ही देखील थक्कच व्हाल. कारण इतक्या उंचीवर चालणं काही सोपं काम नाही. कारण उंचावर जाताच हवेचा दाब कमी होतो. शिवाय श्वास घेण्यासही खूप त्रास होतो. अशा अवस्थेत स्वत:च्या भीतीवर नियंत्रण ठेवून चालणं काही सोपं काम नाही. कारण जराशी चूक देखील मृत्यूस आमंत्रण देऊ शकते. पण हे आव्हान राफेलने स्विकारलं अन् ते पुर्ण करून दाखवलं. त्यामुळे जगभरातून त्याच्यावर कौतुकाचा वर्षाव केला जात आहे.