७६ वर्षांची पोहोचलं १९४५ साली लिहिलेलं पत्र; सैनिकानं आईसाठी लिहिला होता असा भावुक संदेश

टेलिफोनचा शोध लागण्यापूर्वी लोक पत्राद्वारेच एकमेकांशी सपर्क साधत होते. परंतु ही पत्र पोहोचायला काही वेळेस दिरंगायी होत असते. याचच उदाहरण देणारा एक प्रकार समोर आला आहे. १९४५ साली एका सैनिकानं आपल्या आईला पत्र लिहिलं होतं. तुम्हाला वाचून आश्चर्य वाटेल पण हे पत्र पोहोचायला तब्बल ७६ वर्ष लागली. हे पत्र घरी पोहोचलं तेव्हा पत्र लिहिणारा मुलगा आणि वाचणारी आई दोघांपैकी कोणीच जिवंत नाही. हे लक्षवेधी पत्र सध्या सोशल मीडियावर जोरदार व्हायरल होत आहे.

गार्डियनने दिलेल्या वृत्तानुसार हे पत्र आमेरिकन आर्मिचे सार्जंट जॉन गोन्साल्विस यांनी दुसऱ्या महायुद्धादरम्यान आपल्या आईला लिहिलं होतं. हे पत्र ६ डिसेंबर १९४५ रोजी लिहिलं गेलं होतं. त्यावेळी ते २२ वर्षांचे होते. हे पत्र त्यांनी स्वत:च्या हातांनी लिहिलं होतं. जर्मनीत युद्ध करत असताना त्यांनी या पत्राद्वारे आईला आपल्या प्रकृतीची माहिती दिली होती. परंतु युद्धजन्य परिस्थितीमुळे हे पत्र त्यांच्या घरी पोहोचू शकलं नाही. हे पत्र जर्मनीहून अमेरिकेतील पिट्सबर्गला पोहोचायला ७६ वर्षे लागली. दुखद बाब म्हणजे हे पत्र घरी पोहोचलं तेव्हा पत्र लिहिणारा मुलगा आणि वाचणारी आई दोघांपैकी कोणीच जिवंत नव्हतं. युनायटेड स्टेट्स पोस्टल सर्व्हिसला सार्जंट गोन्साल्विस यांच्या पत्नीबद्दल माहिती मिळाली तेव्हा त्यांनी हे पत्र त्यांनाच पाठवलं.


काय लिहिलं आहे या पत्रात?

'प्रिय आई, आज तुझ्याकडून आणखी एक पत्र मिळालं आणि सर्व काही ठीक आहे हे जाणून आनंद झाला. मी देखील ठीक आहे आणि सगळं ठीक आहे, फक्त जेवण बहुतेक वेळा खराब असतं. तुला माझं खूप खूप प्रेम. तुझा मुलगा जॉनी तुला लवकरच भेटण्यासाठी उत्सुक आहे.'' अशा आशयाचा मजकूर या पत्रामध्ये लिहिण्यात आला आहे. जॉन गोन्साल्विस यांचं २०१५ साली निधन झालं. त्यामुळे त्यांचं हस्तलिखित पत्र वाचून त्यांच्या पत्नीचे डोळे पाणावले.