नाद करा पण यांचा कुठं? जुगाडू शेतकऱ्याची ‘मॉडर्न फार्मिंग’, नांगराऐवजी फिरवतोय कार

जुगाड करण्याच्या बाबतीत भारतीयांचा हात कोणीच धरू शकत नाही. भारतीय लोक असे काही जुगाड शोधून काढतात की मोठमोठे एक्सपर्ट देखील थक्क होतील. (The Desi Jugaad) असाच एक अनोखा जुगाड सध्या सर्वांचेच लक्ष वेधून घेत आहे. लवकरच देशात मान्सूनचं आगमन होणार आहे. त्यामुळे शेतकऱ्यांनी नांगरणी करण्यास सुरुवात केली आहे. मात्र या पठ्ठ्यानं नांगरणीसाठी अजबच जुगाड शोधून काढलाय. (A Man using car for farming ) या तरुणाकडे नांगर नव्हता, त्यामुळे त्याने नांगरणीसाठी चक्क कार वापरली आहे.

नाद करायचा नाय

काहीही करा पण शेतकऱ्याचा नाद करू नका असा सल्ला अनेकदा दिला जातो. कारण शेतकरी काय करून दाखवेल याचा नेम नाही. हा व्हिडीओ पाहिल्यावर त्याचीच प्रचिती येते. या तरुणाकडे नांगरणी करण्यासाठी नांगर नव्हता त्यामुळे त्याने चक्क कारचाच वापर केला. हा व्यक्ती स्वत: नांगर घेऊन कारच्या मागे उभा राहिला. आणि मग कारसोबत पुढे जाऊ लागला. जसजसं तो पुढे जात होता जमिन देखील नांगरली जात होती. नांगरणीचा हा अनोखा प्रयोग पाहून तुम्ही देखील थक्कच व्हाल.

१ रुपयाही खर्च न करता खा पोटभर जेवण, महिलेने शोधलाय भन्नाट जुगाड


अतिशहाणपणा नडला! सिंहाच्या तोंडात बोटं घालणं पडलं महागात, जंगलाच्या राजाने दिली शिक्षा
राज्यात मान्सून कधी धडकणार?

हवामान विभागाचे अधिकारी के. एस. होसाळीकर यांनी दिलेल्या माहितीनुसार, आयएमडीने चार आठवड्यांचा मान्सून पावसाच्या आगमनाचा चार्ट जारी केला आहे, त्यानुसार मुंबई आणि महाराष्ट्राच्या पश्चिम किनारपट्टीवरील इतर भागात ३ ते ९ जून दरम्यान मान्सूनचे आगमन होईल. केरळमधील मान्सूनच्या आगमनाआधारे हा अंदाज वर्तवण्यात आला आहे. या पावसाची तीव्रता १० ते १६ जूनपर्यंत वाढेल, ज्यामुळे मुंबई आणि देशातील बहुतांश भाग मान्सूनमध्ये दाखल होतील.