१ रुपयाचं नाणं १० कोटींना विकलं; तुमच्याकडे आहे का हा रुपया?

अनेक लोकांना जुनी दुर्मिळ नाणी गोळा करण्याचा छंद असतो. अशा शौकिन लोकांची जगात कमतरता नाही. अशा मंडळींना न्यूमिस्मेटिस्ट म्हणून ओळखलं जातं. लक्षवेधी बाब म्हणजे एकदा का एखादं नाणं त्यांना आवडलं की ही मंडळी त्या नाण्याला वाट्टेल त्या किंमतीत खरेदी करण्याची तयारी दर्शवतात. अलिकडेच अशाच एका व्यवसायिकाने १ रुपयांचं नाणं तब्बल १० कोटी रुपयांना खरेदी केली. जर तुमच्याकडे देखील अशी जुनी दुर्मिळ नाणी असतील तर तुम्ही देखील या नाण्यांच्या बदल्यात लाखो आणि करोडो रुपये मिळवू शकता.

ते नाणं १० कोटी रुपयांना का विकलं गेलं?

ज्या १ रुपयाच्या नाण्याला १० कोटींची बोली लागली, त्या नाण्याची निर्मिती ब्रिटीश काळात १८८५ साली झाली होती. त्या काळातील ही नाणी आज अत्यंत दुर्मिळ मानली जातात. अगदी क्वचितच कोणाच्या तरी घरात त्याच्या संग्रहालयात अशी नाणी सापडतात. त्यामुळे या नाण्यांची बोली कोट्यवधींमध्ये लावण्यात आली.

ही दुर्मिळ नाणी विकायची कशी?

जर तुमच्याकडे एखादं ब्रिटीशकालीन नाणं असेल तर तुम्ही देखील करोडपती होऊ शकता. अशी नाणी ऑनलाईन प्लॅटफॉर्मवर विकता येतात. क्विकर, ईबे, इंडियनकोइनमिल, इंडियामार्ट आणि कॉईनबाजार यांसारख्या काही वेबसाइट आहेत, ज्या जुन्या नोटा आणि नाणी खरेदी आणि विक्रीसाठी ऑनलाइन प्लॅटफॉर्म प्रदान करतात. यावर तुम्हाला तुमचे नाव, मोबाईल नंबर, ई-मेल इत्यादी देऊन नोंदणी करावी लागेल. यानंतर, तुम्ही नाण्याचे फोटो आणि तपशील टाकून किंमत ठरवू शकता. इच्छुक खरेदीदार थेट आपल्याशी संपर्क साधतील.