‘नवरा झोपू देत नाही काय करु?’ वैतागलेली पत्नी नेटकऱ्यांकडे मागतेय मदत

प्रत्येक व्यक्तीमध्ये काहीना काही वाईट सवई या असतातच. परंतु या वाईट सवयींवर त्याने नियंत्रण मिळवायला हवं. अन्यथा सोबत राहणाऱ्या कुटुंबीयांना त्याचा त्रास सहन करावा लागतो. विशेत: हा प्रकार नवरा-बायकोच्या नात्यात प्रकर्षाने जाणवतो. अनेकांना आपल्या जोडीदाराच्या काही सवयी नक्कीच खटकतात. परंतु हे खटके वेळीच आवरायला हवेत, अन्यथा हे प्रकरण घटस्फोटापर्यंत जाऊ शकतं. असाच काहीसा प्रकार एका महिलेसोबत घडला. या महिलेला तिचा पती शांतपणे झोपूच देत नाही. त्याच्या एका वाईट सवईमुळे ती खूपच त्रस्त आहे. त्यामुळे यावर उपाय शोधण्यासाठी तिने नेटकऱ्यांनी मदत मागीतली.

पतीमुळे या महिलेचं आयुष्य कठीण झालं आहे. नवरा तिला व्यवस्थित झोपू देत नाही. सकाळी लवकर उठण्यासाठी तो अलार्म लावतो. परंतु अलार्म लावलेल्या वेळी तो कधीच उठत नाही. महिलेच्या पतीला सकाळी साडेसात वाजता उठायचं असतं. परंतु तो चार वाजल्यापासून अलार्म लावतो. हे अलार्म क्लॉक दर १० मिनिटाला वाजतं. त्यामुळे महिलेची झोपमोड होते.

ही महिला देखील कामाला जाते. तिचं ऑफिस सकाळी १० वाजता असतं. त्या अनुशंगाने तिने आपलं वेळापत्रक आखलं आहे. परंतु पतीच्या अलार्म लावण्याच्या सवयीमुळे सकाळी चार वाजल्यापासून तिला जागं राहावं लागतं. या बाबत तिने पतीसोबत अनेकदा चर्चा केली परंतु चर्चेतून काहीच तोडगा निघत नाहिये. तो आपली सवय काही केल्या बदलण्यास तयार नाही. परिणामी आता अलार्म क्लॉकमुळे दोघांमध्ये जोरदार भांडणं होत आहेत. दोघंही एकमेकांशी नीट बोलत नाहीत. कदाचित येत्या काळात हे प्रकरण घटस्फोटापर्यंत देखील जाऊ शकतं अशी शक्यता आहे. त्यामुळे महिलेने सोशल मीडियाद्वारे नेटकऱ्यांकडे यावर काही उपाय असेल तर सुचवा अशी विनंती केली आहे.