बायकोच्या हट्टासाठी नवरा झाला कुत्रा; गळ्यात साखळी बांधून गावभर हिंडला, पण…

काही कपल्स हे फारच विचित्र असतात. त्यांची प्रेम व्यक्त करण्याची पद्धत पाहून थक्क व्हायला होतं. ते रोल प्ले करतात, अनोळखी म्हणून एकमेकांना भेटतात, काही जण तर ब्रेकअप करुन पुन्हा एकमेकांच्या प्रेमात पडतात. परंतु एक कपल तर याच्याही पुढे गेलं. त्यांचा रोमान्स पाहून तुम्ही देखील चक्रावून जाल. एका महिलेनं आपल्या पतीच्या गळ्यात कुत्र्यासारखा पट्टा घालून त्याला मॉलमध्ये फिरवलं. प्रेम करण्याची ही अजब पद्धत पाहून सर्वजण थक्क झाले आहेत. लक्षवेधी बाब म्हणजे अशाच अवस्थेत त्यांनी फोटोशूट देखील केलं.

ब्राझीलमध्ये राहणारी लुआना कजाकी आणि आर्थर ओउर्सो यांच्या फोटोशूटने सर्वांनाच हैराण केलं आहे. या कपलनं आपली फॅन्टसी पूर्ण करण्यासाठी कुत्र्याच्या वेशभूषेत फोटोशूट केलं. लुआनानं आर्थरच्या गळ्यात लोखंडी साखळी बांधली व त्याला कुत्र्यासारखं खेचत मॉलमध्ये नेलं. हा प्रकार पाहून आसपासचे लोकही चकित झाले. हे कपल सर्वप्रथम स्टेशनवर फिरलं. त्यानंतर एका बेकरीत जाऊन केक खरेदी केला. पुढे एका मॉलमधील रेस्तरॉमध्ये जाऊन त्यांनी जेवण केलं. विशेष म्हणजे या संपूर्ण प्रवासादरम्यान महिलेचा पती कुत्र्याप्रमाणेच गुडघ्यांवरच चालताना दिसला. शिवाय बांधलेल्या अवस्थेतच तो पदार्थ खात होता.


कपलनं इंडिपेन्डंटला दिलेल्या मुलाखतीत या अजब प्रकारावर भाष्य केलं. ते म्हणाले, “लोक काय म्हणतात याने आम्हाला काहीही फरक पडत नाही. आम्ही काहीही चुकीचं काम केलं नाही. आम्ही कोणालाही त्रास दिला नाही. आमच्या काही फँटसी आहेत. अन् त्या आम्ही पुर्ण करतोय.” दरम्यान आजपासचे सर्व लोक या कपलचे फोटो काढत होते. हे फोटो अनेकांनी सोशल मीडियावर देखील शेअर केले आहेत. एखाद्याने विचारल्यास “हा माझा कुत्रा आहे अन् त्याला घेऊन मी फिरतेय” असं उत्तर महिला देत होती. आता हे कपल भविष्यात कुठला रोल प्ले करणार? हे पाण्यासाठी लोक उत्सुक आहेत.