बॉयफ्रेंडचं ‘सिक्रेट फोल्डर’ पाहून कुटुंब हादरलं, तरुणीने ताबडतोब मोडलं लग्न

काही तरी गडबड होते आणि लग्न अगदी चार दिवसांवर येऊन ठेपलेलं असतानाच ते तुटतं. अशा कित्येक घटना तुम्ही ऐकल्या असतील. कदाचित तुमच्या आसपास अशा काही घटना पाहिल्या देखील असतील. परंतु कंप्युटर फोल्डरमुळे कोणाचं लग्न तुटलं अशी घटना तुम्ही ऐकली आहे का? ऐकूनच विचित्र वाटतंय ना? पण होय, अशी एक चकित करणारी घटना समोर आली आहे. एका तरुणीला आपल्या होणाऱ्या नवऱ्याच्या कंप्युटरमध्ये अशी काही गोष्ट सापडली, की ज्यामुळे तिने थेट लग्नच मोडलं. असं काय होतं त्या कंप्युटरमध्ये? की ज्यामुळे लग्न तोडण्याची वेळ तिच्यावर आली.


हे प्रकरण नेमकं आहे तरी काय?

या २५ वर्षीय तरुणीचं नाव मारिया असं आहे. तिने एका टिक-टॉक व्हिडीओच्या माध्यमातून आपली व्यथा मांडली आहे. गेल्या वर्षभरापासून ती एक तरुणाला डेट करत होती. अखेर कुटुंबीयांच्या संमतीने त्यांनी लग्न करण्याचा निर्णय घेतला. त्यांचं साखरपुडा देखील झाला होता. आता लग्नाला केवळ ३ महिनेच उरले होते. याच दरम्यान तिच्या हाती बॉयफ्रेंडचा कंप्युटर लागला अन् सगळाच घोळ झाला. तिला अशी काही गोष्ट सापडली की तिने थेट लग्नच मोडलं.


काय सापडलं फोल्डरमध्ये?

मिरर युकेने दिलेल्या वृत्तानुसार मारियाचा कंप्युटर काम करत नव्हता त्यामुळे तिने आपल्या बॉयफ्रेंडचा कंप्युटर घेतला. मात्र यामध्ये तिला एक सिक्रेट फोल्डर सापडला. या फोल्डरमध्ये तिच्या बहिणीचे काही अश्लील व्हिडीओ होते. एवढंच नाही तर मारियाच्या मैत्रीणींचे देखील अश्लील फोटो आणि व्हिडीओ होते. हे दृश्य पाहून मारियाला धक्काच बसला. अन् तिने थेट लग्नच मोडून टाकलं. हा संपूर्ण अनुभव तिने एका टिक-टॉक व्हिडीओच्या माध्यमातून सांगीतला आहे. हा व्हिडीओ नेटकऱ्यांमध्ये चर्चेत आहे. यावर हजारो लोकांनी आपल्या प्रतिक्रिया दिल्या आहेत. अनेकांनी तर या बॉयफ्रेंड विरोधात तक्रार करायला हवी होती, असा सल्ला देखील तिला दिला. तसेच बॉयफ्रेंडसोबत स्पष्टपणे बोलायला हवं होतं, असं देखील म्हणाले.