हॉलिवूडची हिरॉईन नाही, तर ही आहे जगातील सर्वात सुंदर धावपटू; हॉट फोटो झाले व्हायरल...

Tokyo Olympics 2020 : पुणे : कोरोनाच्या पार्श्वभूमीवर आणि अनेक जपानी नागरिकांनी विरोध केल्यानंतरही टोकियो ऑलिम्पिक स्पर्धेला थाटात सुरवात झाली. जगभरातील 205 देशातील सुमारे अकरा हजार खेळाडू खेळाच्या या महाकुंभात सहभागी झाले आहेत. प्रतिष्ठित असे ऑलिम्पिक पदक जिंकत देशाचं नाव जागतिक स्तरावर झळकावण्यासाठी सर्व खेळाडू जीवाचं रान करत असतात. यातील पदक विजेत्या खेळाडूंशिवाय आपल्या विशेषतेमुळेही अनेकजण लक्षात राहतात. त्यापैकी एक आहे जर्मनीची अलिसा स्मिट (Alica Schmidt).


22 वर्षीय या जर्मन ट्रॅक आणि फील्ड स्टारने सध्या टोकियो ऑलिम्पिकमधील वातावरण तापवलं आहे. ऑलिम्पिकमध्ये सहभागी झालेली सर्वात सुंदर महिला खेळाडू म्हणून अलिसाचं नाव घेतलं जात आहे. नैसर्गिक सोनेरी केस आणि चमकदार घारे डोळे असलेली अलिसा सर्वांच्या चर्चेचा विषय ठरली आहे. अलिसा महिलांच्या 4x400 रिले आणि 4x400 मिश्र रिलेमध्ये जर्मन संघाची सदस्य आहे. युरोपियन अॅथलेटिक्स अंडर-20 चॅम्पियनशिपमध्ये तिने 4x400 रिलेमध्ये दुसरे स्थान पटकावले होते, तर 2019मध्ये अंडर-23 युरोपियन्समध्ये तिने कांस्यपदकावर नाव कोरले होते.

जर्मन खेळाडू अलिसा जगातील सर्वात सुंदर आणि सेक्सिएस्ट खेळाडूंपैकी एक आहे, पण तिला तिची ही ओळख आवडत नाही. अलिसा सोशल मीडियात जास्त अॅक्टिव्ह नाही, पण तिच्या फोटो आणि व्हिडिओची सोशल मीडियात जोरदार चर्चा होते. इन्स्टाग्रामवर तिचे दोन मिलियन फॉलोअर्स असून दिवसेंदिवस त्यात आणखी भर पडत चालली आहे.

उंची आणि फिटनेसमुळे अलिसा सर्वांचे लक्ष्य वेधून घेते. रिले खेळाडू असलेली अलिसा आरोग्याकडेही तितकेच लक्ष देते. यासाठी तिने जर्मनीच्या एका सेंद्रीय क्रीडा पोषण कंपनीसह काम करण्यास सुरवात केली आहे. तसेच ती जर्मनीतील प्रसिद्ध फुटबॉल क्लब Borussia Dortmund (BVB) ची फिटनेस कोचही आहे. आपल्या व्यस्त वेळापत्रकातून ती स्वयंपाक करण्यासाठी वेळ काढते. तसेच तिला सुशी आणि सर्फिंगचीदेखील आवड आहे. फिरण्याची आवड असलेली अलिसा जर्मनीतील सांते नेचर कॉस्मेटिक या हॉस्पिटॅलिटी, ब्युटी, फॅशन ब्रँडसोबतही काम करत आहे.

द स्पूनच्या वृत्तानुसार, फॅमिली व्हॅकेशनवर असताना अलिसाने व्यावसायिक स्प्रिंटिंग कोच थॉमस क्रेमर यांचे लक्ष वेधून घेतले. त्यावेळी क्रेमर यांनी अलिसाच्या पालकांना तिला ट्रॅक खेळाडू म्हणून तयार करण्याचा सल्ला दिला. वयाच्या 7व्या वर्षापासून ती शर्यतीत भाग घेत आहे.